Ի՞նչ է անում նախարարությունը Սևանը փրկելու համար. ֆեյսբուքյան ասուլիսի հյուրը Բնապահպանության և շրջակա միջավայրի նախարարն է
Այսօր «Ազատություն» Ռ/Կ-ի ֆեյսբուքյան ասուլիսի հյուրն էր Բնապահպանության և շրջակա միջավայրի նախարար Էրիկ Գրիգորյանը: Նա, ի պատասխան հարցին՝ ինչ է այս մեկ տարվա ընթացքում արվել Սևանի վիճակի բարելավման համար, նա պատասխանեց. «Վեր հանել ենք այն տարածքները, որտեղ պետք է մաքրում կատարվի, ուսումնասիրել ենք և այսօր էլ ամենօրյա ռեժիմով վերահսկում ենք ջրի ելքը, այս պահին 30 խմ-ով ավելի քիչ է ջուր վերցված Սևանից, ջրի մակարդակն ավելի բարձր է: Մեր հորդորով մի շարք տնտեսվարողների կողմից տեղադրվել են մաքրման կայաններ, վեր հանվել են խնդիրները և տրամադրվել նաև Ազգային անվտանգության խորհրդին: Դրանք են և՛ ափամերձ տարածքների՝ նախկինում մաքրված կամ չմաքրված տարածքների հարցերը, ընդ որում այդ ամբողջ փաթեթը ներկայացվել է նաև դատախազություն՝ ներառյալ կեղտաջրերի բացթողնման, ցանցային և այլ խնդիրները: Մենք տեսնում ենք, որ վերջին 10 տարում լճում ֆոսֆորի մակարդակն աճում է: Պետությունը տարբեր տարիների ընթացքում տվել է գումարներ, որպեսզի ափամերձ տարածքները լճի բարձրացման հետ մաքրվեն, բայց պատշաճ չեն մաքրվել: Նաև ջրային կոմիտեից ջրապահանջարկը, որ նայում ենք, ավելի շատ ջուր է պահանջվել, քան նախատեսված է օրենքով, դեռ հարց է, թե օրենքով նախատեսվածն էլ արդյոք պե՞տք է այդքան լինի, որքան նշված է, քրգործ կա հարուցված Արփա-Սևանի մասով, նաև մաքրման աշխատանքների մասով դատախազություն ենք դիմել»: Նախարարը չկարողացավ խոստանալ, որ հաջորդ տարի Սեւանում նույն պատկերը չի լինի, փոխարենը նշեց, որ նախարարությունը կանի ամեն հնարավոր բան՝ ջրի մաքրումը, աղտոտվածության մակարդակի իջեցումը եւ ջրի մակարդակի բարձրացումն ապահովելու համար |
«Այսօր որևէ մեկը չի խոսում թուրքերի կողմից զավթված մեր սեփականության մասին». Տիգրան Պետրոսյան
7403:06«Աննային մուծվում էին նաև, երբ նա «Հայկական ժամանակ» թերթի լրագրող էր». Նարինե Կիրակոսյան
8702:18Դերասան Արման Նավասարդյանը Կիրանցում է (տեսանյութ)
8800:54«Հարյուրավոր մեր քաղաքացիներ իրենց վկայականները ձեռքներն սպասում են ձեզ, այ ըտեղ վեր ընգած ոչմիբաներ». Գառնիկ Դանիելյան (տեսանյութ)
8800:48«Ազգ, որին համառորեն փորձում են դարձնել մաթևոսյանական հանճարով նկարագրված կով». Արմեն Աշոտյան
9300:24«Կիրանցում մարդկանց մի մասն իրենց երեխաներին հանել է գյուղից». Գոհար Վարդանյան
9000:18