«ՀՀ տնտեսական համակարգը ընկալել և մարսել է տնտեսական հեղափոխության վերաբերյալ կառավարության մեսիջները». ՀՀ վարչապետ
![]() «Մենք շարունակում ենք, բարեբախտաբար, գտնվել տնտեսական բավականին բարձր ակտիվության ցուցանիշներում. մայիսին արձանագրվել է 7.3 տոկոս տնտեսական ակտիվության ցուցանիշ»,-այսօր Կառավարության նիստի ժամանակ հայտարարեց ՀՀ վարչապետ Նիկոլ Փաշինյանը: Նա նշեց, որ առաջին եռամսյակի տվյալներով՝ արտահանման ոլորտում որոշակի մտահոգություններ կային, սակայն այժմ դրանք փարատված են: «Վերլուծությունները ցույց են տալիս, որ տարվա արդյունքերով մենք կունենանք արտահանման բավականին շոշափելի աճ»,-ասաց նա: Նա ընդգծեց, որ արտահանման կառուցվածքում տնտեսության ճյուղերի ազդեցության փոփոխություն է տեղի ունեցել, օրինակ՝ նախորդ տարի արտահանման մեջ մշակող արդյունաբերության կշիռը կազմել է 62.8 տոկոս, իսկ այս տարի այն կազմել է 64.6 տոկոս: «Չնայած ընդհանուր արտահանման մեջ դեռևս ոչ բարձր կշիռ ունի տեխնոլոգիատար ապրանքների արտահանումը, բայց առաջին 5 ամիսների տվյալներով՝ այս ոլորտը արտահանման կառուցվածքում բավական մեծ աճ է արձանագրել՝ 29.5 տոկոս: Այս թվերը կարևոր են նրանով, որ, ըստ էության, ցույց են տալիս, որ Հայաստանի տնտեսական համակարգը ընկալել և մարսել է տնտեսական հեղափոխության վերաբերյալ ՀՀ կառավարության մեսիջները»,-ասաց վարչապետը: Վարչապետը նաև արձանագրեց, որ գյուղատնտեսական ապրանքերի արտահանման ոլորտում նույնպես աճ է գրանցվել: |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
