Երևան`   +10 °C
Այսօր`   Հինգշաբթի, 28 մարտի, 2024 թ.

«Կոկորդիլոսը չունի ստամոքս, ունի քարաճիկ․ ինչ-որ ժամանակ նրանք թռչել են»․ Արարատի մարզպետ

886
Չորեքշաբթի, 12 հունիսի, 2019 թ., 15:10
«Կոկորդիլոսը չունի ստամոքս, ունի քարաճիկ․ ինչ-որ ժամանակ նրանք թռչել են»․ Արարատի մարզպետ

Այսօր ԱԺ-ում լրագրողների հետ զրույցում Արարատի մարզպետ Գարիկ Սարգսյանն ասաց, որ մարզում կոկորդիլոս բուծելու և զուգահեռ էկոայգի կառուցելու ներդրումային ծրագիրը չի չեղարկվել։
«Ես սնահավատ չեմ, բայց այդ ծրագրին «աչքով տվողներ» կարող են լինել։ Կարող եք հարցերն ուղղել ներդրողին»,- ասաց նա։

Գարիկ Սարգսյանի փոխանցմամբ՝ ծրագիրը դեռևս կյանքի չի կոչվել՝ հատուկ ընթացակարգերի առկայության հետևանքով․ հողի փորձաքննության և այլ հարցերի հետ կապված։

Նա նշեց, որ մաքսատանը խնդիրները լուծվել են՝ կապված կոկորդիլոսի ու թռնչի ձվի տարբերակման հետ․ «Հարցը հետևյալն է՝ կոկորդիլոսի ձվի ներմուծման մաքսային կոդ չկա: Ներմուծվում է թռչնի թվի անվան տակ, բայց իրականում դա կոկորդիլոսի ձու է»:

Դիտարկմանը, թե կոկորդիլոսի թռչուն լինելու հարցը շեշտադրվել է հենց իր՝ մարզպետի կողմից, Սարգսյանը կատակով արձագանքեց․ «Կենդանիների ուսումնասիրման մասնագետ եմ դարձել։ Տեսեք, հարցն այն է եղել, թե կոկորդիլոսների նախնիներն ավելի շատ կենդանիների որ խմբին են պատկանել։ Կոկորդիլոսն իր կառուցվածքով մոտ է թռչուններին: Նա չունի ստամոքս, ունի քարաճիկ, պատկերացնո՞ւմ եք: Ինչ-որ ժամանակ նրանք թռչել են»։