Ուկրաիանայի Ռադան չի ընդունել վարչապետի հրաժարականը

Ուկրաինայի Գերագույն ռադան չի ընդունել վարչապետ Վլադիմիր Գրոյսմանի հրաժարականը:

Գրոյսմանի լիազորությունները դադարացնելու նախագծի օգտին քվեարկել է 97 պատգամավոր, այնինչ որոշման ընդունման համար առնվազն 226 ձայն էր հարկավոր. այս մասին հաղորդում է «112 Украина»-ն:

63 պատգամավոր դեմ է քվեարկել որոշմանը, ևս 50-ը ձեռնպահ է մնացել: Գերագույն Ռադայի անդամների գրեթե կեսը չեն մասնակցել քվեարկությանը:

Մայիսի 20-ին Վլադիմիր Գրոյսմանը հրաժարականի դիմում էր ներկայացրել: Այդ ժամանակ Ուկրաինայի նախագահի աշխատակազմի ղեկավար Անդրեյ Բոգդանը հայտարարել էր, որ դրանում որևէ ողբերգություն չի տեսնում: