Բորիս Ջոնսոնը հրավիրվել է դատարան Բրեքսիթի մասին հայտարարությունների համար

Մեծ Բրիտանիայի ԱԳ նախկին նախարար Բորիս Ջոնսոնին դատարան են կանչել՝ պնդելով, որ նա ստել է, երբ ասել է, որ Մեծ Բրիտանիան շաբաթական 350 մլն ֆունտ ստերլինգ է տվել ԵՄ-ին: Նման հայտարարություններ Ջոնսոնն արել էր 2016թ.՝ Brexit-ի հանրաքվեի անցկացման շրջանում. այս մասին հաղորդում է BBC-ն:

Բորիս Ջոնսոնի դեմ հայցը ներկայացվել է գործարար Մարքուս Բոլի կողմից:

Գործարար Բոլի վսահեցմամբ, Ջոնսոնը խաբել է հանրությանը՝ ասելով, որ ԵՄ-ից դուրս գալու դեպքում Մեծ Բրիտանիա շաբաթական 350 մլն ֆունտ ստերլինգ մուտք կգործի, որը նախկինում բրիտանացիները տվել են ԵՄ-ին: Գործարարի խոսքերով, Մեծ Բրիտանիան երբևիցե շաբաթական 350 մլն ֆունտ ստերլինգ չի վճարել ԵՄ-ին: Ջոնսոնի փաստաբանները դիմել են բարձրագույն դատարան. նրանք կտրականապես մերժում են նախկին նախարարի մեղավոր լինելու հանգամանքը: