Երևան`   +10 °C
Այսօր`   Երկուշաբթի, 16 նոյեմբերի, 2026 թ.

Գատուզոն հայտարարել է «Միլան»-ը լքելու մասին

284
Երեքշաբթի, 28 մայիսի, 2019 թ., 14:45
Գատուզոն հայտարարել է «Միլան»-ը լքելու մասին

«Միլան»-ի գլխավոր մարզիչ Ջենարո Գատուզոն հայտարարել է, որ ամռանը կլքի ակումբը։

«Հեշտ չէ ընդունել «Միլան»-ը լքելու որոշումը, բայց ստիպված եմ դա անել: Երբեք չեմ մոռանա այս ժամանակահատվածը: Սա իմ ամենաբարդ, բայց իմաստալից ընտրությունն է»,- նշել է Գատուզոն։

Բացի այդ, Գատուզոն հրաժարվել է պայմանագրով իրեն հասանելիք մնացած գումարից․ «Ես որոշել եմ այդպես վարվել, քանի որ «Միլան»-ում իմ պատմությունը երբեք չի լինի գումարի հարց»։

Հիշեցնենք, որ Գատուզոն 2017 թվականին է գլխավորել «Միլան»-ը: Նրա պայմանագիրը նախատեսված էր մինչև 2021 թվականը։

Նշենք նաև, որ Գատուզոն 1999-2012 թվականներին հանդես է եկել «Միլան»-ի կազմում՝ ընդգրկվելով ակումբի փառքի սրահում: