«Ադրբեջանի կողմից այս քայլը ոչ այլ ինչ է, քան ռասիստական նոր դրսևորում». ՀՀ ԱԳՆ խոսնակ
Այսօր ՀՀ ԱԳՆ-ում տեղի ունեցած ճեպազրույցում լրագրողի դիտարկմանը, թե մայիսի 29-ին Բաքվում կայանալու է Եվրոպա լիգայի եզրափակիչը, իսկ Բաքուն բավարար երաշխիքներ չի տալիս Հենրիխ Մխիթարյանի անվտագության համար, և թե արդյոք որն է Հայաստանի դիրքորոշումը Բաքվի նման քաղաքականության վերաբերյալ, մամուլի խոսնակ Աննա Նաղդալյանը պատասխանեց. «Մենք նշել ենք, որ եթե Ադրբեջանի կողմից համապատասխան երաշխիքներ տրվեին, որոնք կբավարարեին և՛ Հենրիկ Մխիթարյանին և՛ իր թիմին, ապա Արտաքին գործերի նախարարությունը որևէ առարկություն չունի վերջինի՝ Բաքվում կայանալիք խաղի մասնակցությանը: Ինչ վերաբերում է լուրերին, որ խնդիրներ էին ստեղծվել հայ երկրպագուների Ադրբեջան մուտքի հետ կապված, այդ լուրերը իրապես անհանգստացնող էին: Մենք կողջունեինք, որ ադրբեջանական կողմը հավատարիմ լիներ այն սկզբունքին, որ ինքը հայտարարել էր օրեր առաջ, որ սպորտը վեր է քաղաքականությունից: Առավել ևս սպորտում ռասիզմի և այլատյացության դրսևորումները որևէ տեղ չպետք է ունենան, և այս առումով Ադրբեջանի կողմից ենթադրյալ հայկական ծագում ունեցող երկրպագուների մուտքի արգելքը ոչ այլ ինչ է, քան ռասիստական նոր դրսևորում և, ըստ էության, դա կասկածի տակ է դնում Արբեջանում նման կարգի միջոցառումների անցկացումը: Այս խաղով Ադրբեջանը հնարավորություն ուներ ցույց տալ, թե իրապես որքան է պատրաստ աշխատելու ժողովուրդներին խաղաղության նախպատրաստելու ուղղությամբ, սակայն դա մենք չտեսանք»,- ասաց Աննա Նաղդալյանը՝ նշելով, որ այս հարցը բարձրացվելու է միջազգային գործընկերնի մոտ: |
Հենրիխ Մխիթարյանի գրառումը՝ Հայոց ցեղասպանության 109-րդ տարելիցի կապակցությամբ
95Երեկ, 23:54Գագիկ Նավոյանը՝ Հայաստանի մինչև 16 տարեկանների չեմպիոն
12621.04.2024, 16:06Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող
16220.04.2024, 20:54Բռնցքամարտի Հայաստանի չեմպիոնը Սերբիայում հաղթել է Եվրոպայի չեմպիոնին
17220.04.2024, 17:48Վահագն Դավթյանը Փարիզի 2024թ. Օլիմպիական խաղերի ուղեգիր նվաճեց (լուսանկար)
13819.04.2024, 22:48Շախմատի Եվրոպայի կանանց անհատական առաջնությունում Հայաստանն ունի 4 ներկայացուցիչ
13719.04.2024, 11:00