«Բաքուն ընտրելն անպատասխանատու վերաբերմունք է»․ Կլոպ

«Լիվերպուլ»-ի գլխավոր մարզիչ Յուրգեն Կլոպը խոսել է Չեմպիոնների լիգայի և Եվրոպա լիգայի եզրափակիչներն ընդունող քաղաքների՝ Մադրիդի և Բաքվի մասին։

«Մադրիդում ամեն ինչ շատ թանկ է, բայց Մադրիդը, ի տարբերություն Բաքվի, աշխարհի մյուս ծայրում չէ։ Զվարճալի է Եվրոպա լիգայի եզրափակիչն անցկացնել Բաքվում։ Չգիտեմ՝ նման որոշում ընդունողները նախաճաշին ի՞նչ են կերել։ Մադրիդը պետք է պատրաստվի անգլիացի երկրպագուների մեծ բանակ ընդունելուն։ Սակայն Բաքուն․․․ Ես գաղափար չունեմ՝ ինչպես հասնել Բաքու, արդյոք կան մշտական չվերթներ։ Եզրափակիչների անցկացման վայրի ընտրության հարցում պետք է շատ պատասխանատու և ուշադիր լինել։ Սա անպատասխանատու վերաբերմունք է։ Չեմ հասկանում, թե ինչպես են նման որոշումներ կայացնում»,- նշել է Կլոպը։

Հիշեցնենք, որ Չեմպիոնների լիգայի եզրափակիչ «Լիվերպուլ»-«Թոթենհեմ» հանդիպումը կայանալու է Մադրիդում՝ հունիսի 1-ին, իսկ Եվրոպայի լիգայի եզրափակիչ «Արսենալ»-«Չելսի» հանդիպումը՝ մայիսի 29-ին՝ Բաքվում։