«Արսենալ»-ը դուրս եկավ Եվրոպայի լիգայի եզրափակիչ, Մխիթարյանը՝ գոլային փոխանցման հեղինակ

Եվրոպայի լիգայի կիսաեզրափակչի շրջանակներում ավարտվեց «Վալենսիա» - «Արսենալ» հանդիպումը։

«Արսենալ»-ը 4։2 հաշվով հաղթեց «Վալենսիա»-ին։

Թիմերի առաջին մրցավեճն ավարտվել էր «Արսենալ»-ի հաղթանակով՝ 3։1 հաշվով, և, ընդհանուր հաղթելով 7։3 հաշվով, «Արսենալ»-ը դուրս եկավ եզրափակիչ։

Հայաստանի ազգային հավաքականի և թիմի կիսապաշտպան Հենրիխ Մխիթարյանը հանդիպումն սկսեց պահեստայինների նստարանին՝ խաղադաշտ դուրս գալով 62-րդ րոպեին։ Նա դարձավ գոլային փոխանցման հեղինակ՝ հանդիպման 88-րդ րոպեին փոխանցում կատարելով Օբամեյանգին։