Երևան`   +11 °C
Այսօր`   Երեքշաբթի, 22 հոկտեմբերի, 2019 թ.

Լեհ զբոսաշրջիկը հեռախոսը թողել է երևանյան հյուրանոցներից մեկում և անհետ կորել

1475
Ուրբաթ, 03 մայիսի, 2019 թ., 11:00
Լեհ զբոսաշրջիկը հեռախոսը թողել է երևանյան հյուրանոցներից մեկում և անհետ կորել

Հայաստանում անհետ կորել է Լեհաստանի քաղաքացի Դանիել Օվչարեկը, ով ի րբջջայինը թողել է երևանյան հյուրանոցներից մեկում: Այս մասին Facebook-ում հայտնել է Հայաստանում Լեհաստանի դեսպանությունը: «Անհետ կորել է Լեհաստանի քաղաքացի Դանիել Օվչարեկը: ՀՀ-ում Լեհաստանի դեսպանությունը խնդրում է աջակցել գտնելու Հայաստան ժամանած լեհ զբոսաշրջիկին: Վերջինը Հայաստան է ժամանել Թբիլիսիից՝ տաքսիով: Սույն թվականի ապրիլի 30-ին՝ կեսգիշերին, բնակություն է հաստատել Արամի փողոցում գտնվող «Նոր Երևան» հյուրանոցում: Հյուրանոցից դուրս է եկել մայիսի 1-ին՝ կեսօրից առաջ, և մինչ օրս նրա մասին որևէ տեղեկություն չկա: Դանիել Օվչարեկն իր բջջային հեռախոսը թողել է հյուրանոցի սենյակում: Նրա գտնվելու վայրը պարզելու գործում կարող են օգտակար լինել Հայաստան այցի ժամանակ արված լուսանկարները: Հնարավոր է, որ լուսանկարում պատկերված տղամարդկանցից մեկը լինի վարորդը, ում հետ Դանիելը ճանապարհորդել է Հայաստանում: Դանիելի բնութագրիչ առանձնահատկություններից այն է, որ նրա աջ ոտքը կաղում է: Դանիելի վերաբերյալ ցանկացած տեղեկության դեպքում խնդրում ենք անհապաղ կապ հաստատել Երևանում ԼՀ դեսպանության հետ՝ զանգահարելով +374 91426885 հեռախոսահամարին»,- ասված է դեսպանատան տարածած հայտարարության մեջ: