Խավին ավարտում է մարզական կարիերան

Կատալոնական «Բարսելոնա»-ի լեգենդ Խավին, ով այժմ հանդես է գալիս կատարական «Ալ Սադ»-ում, հայտարարել է մրցաշրջանի ավարտից հետո մարզական կարիերան ավարտելու մասին: Նա մարզչական կարիերա կսկսի:

«Ինձ համար պատիվ էր խաղալ մինչև 39 տարեկան: Սա իմ վերջին մրցաշրջանն է որպես ֆուտբոլիստ: Անհամբերությամբ սպասում եմ իմանալ, թե ինչ է սպասում ինձ մարզչական կարիերայիս ընթացքում»,- նշել է Խավին։

Հիշեցնենք, որ Խավին 8 անգամ դարձել է Իսպանիայի չեմպիոն, 3 անգամ Իսպանիայի գավաթակիր, 6 անգամ Իսպանիայի սուպերգավաթակիր։ 4 անգամ նվաճել է Չեմպիոնների լիգայի գավաթը, 2 անգամ Սուպերգավաթը և 2 անգամ դարձել է աշխարհի ակումբային առաջնության չեմպիոն։ Իսպանիայի հավաքականի կազմում հռչակվել է աշխարհի (2010) և Եվրոպայի (2008, 2012) կրկնակի չեմպիոն։