Ժնևն անակնկալ է պատրաստել Լոզան-2020-ի մասնակիցների համար

Լոզանում կայանալիք 2020 թվականի պատանեկան ձմեռային օլիմպիական խաղերի կազմկոմիտեն և Շվեյցարիայի Ժնև քաղաքի օդանավակայանը համագործակցության պայմանագիր են կնքել՝ խաղերի համար Շվեյցարիա ժամանած մարզիկներին ինքնառիթից մինչև օդանավակայանի տարածք Լոզան-2020-ի գույներով ներկված հատուկ ավտոբուսով հասցնելու շուրջ։

«Հենց Ժնևի օդանավակայանից կսկսվի մեր ծանոթությունը մարզիկների հետ: Յուրօրինակ ավտոբուսը մասնակիցներին թույլ կտա Շվեյցարիա ժամանելուց անմիջապես հետո զգալ օլիմպիական խաղերի շունչը»,- ասել է Լոզան-2020-ի կազմկոմիտեի գործադիր տնօրեն Յան Լոգանը:

Ձմեռային պատանեկան Օլիմպիական խաղերը կանցկացվեն 2020 թվականի հունվարի 9-ից 22-ը: