Հայտնի են Խաբարովսկ մեկնող հայ բռնցքամարտիկների անունները

Բռնցքամարտի Հայաստանի հավաքականն այս օրերին շարունակում է ուսումնամարզական հավաքը՝ նախապատրաստվելով առաջիկա միջազգային մրցաշարերին: Մայիսի սկզբին բռնցքամարտիկները միջազգային մրցաշարի կմասնակցեն Խաբարովսկում։ Հավաքականի 2-րդ մարզիչ Վահան Ադիլխանյանի գլխավորությամբ մրցավայր կմեկնեն 52 կգ քաշային Վահե Բադալյանը, 57 կգ քաշային Էրիկ Պետրոսյանը, 63 կգ քաշային Սամվել Մելիքյանն ու Նարեկ Հովհաննիսյանը, 69 կգ քաշային Կորյուն Աստոյանը, 75 կգ քաշային Վախթանգ Հարությունյանն ու 81 կգ քաշային Արտյոմ Գալստյանը: