Մարզական սխրանք. «Ռեն»-ը նվաճեց Ֆրանսիայի գավաթը

Ֆրանսիայի գավաթի խաղարկության եզրափակչում «Ռեն»-ը, հաղթելով չեմպիոնի կոչումն ապահոված ՊՍԺ-ին, նվաճեց Ֆրանսիայի գավաթը։ Հանդիպման 1-ին խաղակեսում ՊՍԺ-ն 2:0 հաշվով հաղթում էր մրցակցին՝ Դանի Ալվեսի և Նեյմարի գոլերի շնորհիվ:

Առաջին խաղակեսի վերջնամասում ՊՍԺ-ի կազմում Կիմպեմբեն դարձավ ինքնագոլի հեղինակ, իսկ երկրորդ խաղակեսում «Ռե » ն»-ը երկրորդ գոլը խփեց՝ հավասարեցնելով հաշիվը՝ 2:2: Լրացուցիչ ժամանակում թիմերը գոլեր չխփեցին և խաղի ելքը որոշեց 11-մետրանոց հարվածաշարը, որտեղ ավելի դիպուկ գտնվեցին «Ռեն»-ի ֆուտբոլիստները՝ 6:5 հաշվով հաղթելով ՊՍԺ-ին և նվաճելով Ֆրանսիայի գավաթը:

Նշենք, որ սա մարզական սխրանք էր «Ռեն»-ի համար, որը 1971 թվականից ի վեր առաջին անգամ է տիտղոս նվաճում, իսկ Ֆրանսիայի գավաթը վերջին անգամ նվաճել էր 43 տարի առաջ: