Սուդանի նոր մարտահրավերները

Սուդանը բախվում է ավտորիտարիզմի մարտահրավերին: Ռազմական վերնախավի հետ ցուցարարների բանակցությունները չստեղծեցին ժողովրդավարության համար համապատասխան նախադրյալներ, գրում է BBC-ն:

Արդյոք անցումնային գործընթացները կշարունակվե՞ն երկուսից չորս տարի: Արդյոք ռազմական խորհուրդը կպահպանի՞ անվտանգության և նախարարությունների վերահսկողությունը: Ինչպե՞ս նախարարական պորտֆելները կբաշխվեն ընդդիմության, քաղաքացիական հասարակության և քաղաքական կուսակցությունների միջև:

Խարթումի ռազմական ստորաբաժանումների մոտ հավաքված ամբոխն ինչպես ֆիզիկապես, այնպես էլ հոգեպես օկուպացրել է տարածքը:

Դարֆուրցիները պահանջում են նախագահ Օմար ալ Բաշիրի դատավարությունը, իրավաբանները պայքարում են օրենքի գերակայության համար, բժիշկները ձգտում են հասնել համընդհանուր առողջապահական համակարգի կայացմանը, ուսուցիչներն էլ պայքարում են կրթական համակարգի էվոլյուցիայի համար: