Օլիմպիական խաղերի և աշխարհի հնգակի չեմպիոնը հանդես կգա Հայաստանի դրոշի ներքո

Աթենքի oլիմպիական խաղերի և աշխարհի հնգակի չեմպիոն ազատ ոճի ըմբիշ Խաջիմուրադ Գացալովը հանդես կգա Հայաստանի դրոշի ներքո։ Ըմբշամարտի միջազգային ֆեդերացիան հայտնում է, որ Գացալովի տեղափոխության գործընթացը մեկնարկել է վերջին շաբաթներին:

Կողմերը ցանկանում են, որ նա հասցնի մասնակցել սեպտեմբերին Ղազախստանում կայանալիք աշխարհի առաջնությանը:

Նշենք, որ Գացալովը հանդես էր գալիս Ռուսաստանի դրոշի ներքո, իսկ Հայաստանը կներկայացնի մինչև 97 կգ քաշային կարգում:

Նշենք նաև, որ Գացալովը 36 տարեկան է։ Ծնվել և մեծացել է Հյուսիսային Օսիայում։ Աթենքի օլիմպիական խաղերի չեմպիոն է, աշխարհի հնգակի և Եվրոպայի եռակի չեմպիոն է։