Ուղիղ միացում Ազգային ժողովից
Խորհրդարանը շարունակում է քննարկել է ՀՀ տնտեսական մրցակցության պաշտպանության պետական հանձնաժողովի նախագահի նշանակման հարցը: ՀՀ վարչապետ Նիկոլ Փաշինյանն այս պաշտոնում առաջարկել էր Գեղամ Գևորգյանի թեկնածությունը: Գեղամ Գևորգյանի կարծիքով՝ հանձնաժողովը պետք է ձգտի, որպեսզի իր վարած քաղաքականությունը և իրավակիրառ գործունեությունը լինի պարզ ու կանխատեսելի՝ անկախ համակարգերից: Տնտեսական մրցակցության պաշտպանության ոլորտում առկա խնդիրներն արդյունավետորեն կարգավորելու նպատակով բանախոսը կարևորել է գործող օրենսդրության կատարելագործումը՝ այն համահունչ դարձնելով հասարակական հարաբերությունների փոփոխություններին: Թեկնածուին ուղղված հարցերը վերաբերել են կառույցի նկատմամբ վստահության բարձրացմանն ու թափանցիկ գործելու կարևորությանը, թռչնամսի շուկայում առկա անբարեխիղճ մրցակցությանը, կեղծ սնանկության դեմ պայքարի միջոցներին և այլն: Էդմոն Մարուքյանն անդրադարձել է թեկնածուի ներկայացրած փաստաթղթերին և դրանցում նշված որոշ տվյալներ համարել խնդրահարույց: Վիկտոր Ենգիբարյանը դրական է գնահատել Գեղամ Գևորգյանի առաջադրումը, կարևորել արդյունավետ մրցակցության ապահովումը, ինչի համար պատասխանատու է ՏՄՊՊ հանձնաժողովը: Վաղարշակ Հակոբյանն ի պատասխան հնչեցված հարցի՝ պարզաբանել է, որ թեկնածուն «Քաղաքացիական պայմանագիր» կուսակցության անդամ չէ, և ընտրվելու դեպքում կաշկանդված չի լինելու իր գործունեության մեջ: Նա գործընկերներին հորդորել է կողմ քվեարկել Գեղամ Գևորգյանի թեկնածությանը: Արման Բաբաջանյանը կարծիք է հայտնել, որ Հայաստանում այսօր էլ առկա են մենաշնորհներ, և մրցակցությունը երբեմն անիրական է: Պատգամավորը հետաքրքրվել է, թե ինչպե՞ս է Գեղամ Գևորգյանը պայքարելու «թղթային» մրցակցության դեմ: Նա ևս խնդրահարույց է համարել թեկնածուի՝ անհրաժեշտ ստաժի վերաբերյալ ներկայացված տեղեկությունը: Արման Բաբաջանյանն ասել է, որ «Լուսավոր Հայաստան» խմբակցությունը դեմ է քվեարկելու: ԱԺ «Իմ քայլը» խմբակցության դրական կարծիքը թեկնածուի վերաբերյալ ներկայացրել է Աննա Կարապետյանը: ՏՄՊՊ հանձնաժողովի նախագահի գաղտնի քվեարկությունը տեղի կունենա այսօրվա նիստում: |
«Նիկոլը չի հասկանում պատերազմի պատճառի և պատերազմի պատրվակների միջև եղած տարբերությունը». Լևոն Զուրաբյան (տեսանյութ)
7901:48«Երեկվա միջադեպի պատասխանատուն Փաշինյանն է». Սուրեն Սուրենյանց
96Երեկ, 22:54Քաղաքացիները ստուգում են մեքենաները, որ բացահայտեն ականազերծող սակրավորներին (տեսանյութ)
97Երեկ, 18:54«Ոտքի՛, քանի չի հանձնել» գրությամբ ցուցանակ՝ Երևանի մուտքի մոտ
116Երեկ, 18:30Ապրիլի 25-ի դրությամբ հայ-ադրբեջանական սահմանին տեղադրվել է թվով 20 սահմանային սյուն․ ՀՀ կառավարություն
108Երեկ, 18:18«Որպեսզի հեղափոխությունը լինի թավշյա, պետք է ոստիկանությունը դառնա թավշյա». Տիգրան Քոչարյան
114Երեկ, 17:24