Ասլանյանը և Կալաչյանը կպայքարեն Եվրոպայի առաջնության բրոնզե մեդալների համար

Բուխարեստում ընթացող ըմբշամարտի Եվրոպայի առաջնությունը մոտենում է ավարտին: Այսօր գորգ դուրս եկած Հայաստանը ներկայացուցիչներից երկուսը կպայքարեն բրոնզե մեդալների համար։

67 կգ քաշային կարգում որակավորման փուլում Կարեն Ասլանյանի մրցակիցը Լեհաստանը ներկայացնող Գևորգ Սահակյանն էր: Լարված գոտեմարտ ստացվեց, և ըմբիշները չկարողացան հնարք կատարել, սակայն զգուշացումներով՝ 0:4 հաշվով, Կարենը պարտվեց Գևորգին: Հետագայում Սահակյանը հասավ եզրափակիչ, ինչը հնարավորություն տվեց Ասլանյանին շարունակել պայքարը բրոնզե մեդալի համար: Առաջին սփոփիչ գոտեմարտում Ասլանյանը 9:1 հաշվով հաղթեց բելառուս Յարոսլավ Կարդաշին: Երկրորդ սփոփիչ գոտեմարտում Կարենը ժամանակից շուտ 8-0 հաշվով հաղթեց բուլղարացի մրցակցին։ Երրորդ տեղի համար Կարենը կգոտեմարտի սերբ Մատե Նեմեշի հետ:

72 կգ քաշային Հրանտ Կալաչյանը պայքարն սկսեց 1/8 եզրափակչից և տուշեով պարտվեց Ռուսաստանը ներկայացնող Աբույազիդ Մանցիգովին: Ռուս ըմբիշը հասավ մինչև եզրափակիչ, ինչը Կալաչյանին հնարավորություն տվեց պայքարը շարունակել: Սփոփիչ գոտեմարտում Կալաչյանը 8:4 հաշվով հաղթեց հունգարացի Ռոբերտ Ֆրիտչին։ Երրորդ տեղի համար Հրանտը կգոտեմարտի Խորվաթիան ներկայացնող Դոմինիկ Էտլինգերի հետ: