Մաքսիմ Մանուկյանը ձեռնունայն է վերադառնում հայրենիք

Ռումինիայի մայրաքաղաք Բուխարեստում ընթացող ըմբշամարտի Եվրոպայի առաջնությանը պայքարը շարունակում են հունահռոմեկան ոճի ըմբիշները: 87 կգ քաշային կարգում Հայաստանը ներկայացնող Մաքսիմ Մանուկյանն սփոփիչ գոտեմարտում տուշեով պարտվեց գերմանացի Դենիս Կուդլային՝ դուրս մնալով հետագա պայքարից։

Հիշեցնենք, որ Մանուկյանը որակավորման փուլում տուշեով գեղեցիկ հաղթանակ տարավ ֆինն Հեյկի Մոծոմաեկիի նկատմամբ, 1/8 եզրափակչում 8:0 հաշվով ժամանակից շուտ առավելության հասավ ռումինացի Ալեքսանդրու Կարասի նկատմամբ, սակայն 1/4 եզրափակչում 1։6 հաշվով պարտվեց Ադրբեջանը ներկայացնող Իսլամ Աբբասովին, ով հասավ եզրափակիչ և հնարավորություն տվեց Մաքսիմին շարունակել պայքարը։