Հայ շախմատիստները հաղթանակներ տոնեցին «Ռեյկյավիկ օփեն»-ում

Իսլանդիայում շարունակվող «Ռեյկյավիկ օփեն» միջազգային մրցաշարում տեղի ունեցավ 5-րդ տուրը, որում կարևոր հաղթանակներ գրանցեցին առաջատարների շարքում ընթացող Ռոբերտ Հովհաննիսյանը և Սերգեյ Մովսեսյանը: Հովհաննիսյանը հաղթանակ տարավ Շվեդիայի ուժեղագույն գրոսմայստեր և Ռեյկյավիկ Օփենի ֆավորիտ համարվող գրոսմայստեր Նիլս Գրանդելիուսի նկատմամբ, իսկ Սերգեյ Մովսեսյանն ուժեղ գտնվեց Իսլանդիայի ներկայացնող գրոսմայստեր Հանս Ստեֆանսոնից: Տիգրան Պետրոսյանը իր պարտիան ավարտեց հաշտությամբ:
5-րդ տուրից հետո 4 շախմատիստ՝ Սերգեյ Մովսեսյանը, Ռոբերտ Հովհաննիսյանը, Ֆիրուզա Ալիռեզան և Կոնստանտին Լուպուլեսկուն 4.5-ական միավորով գլխավորում են աղյուսակը: Տիգրան Լ. Պետրոսյանը վաստակել է 3.5 միավոր:
6-րդ տուրը տեղի կունենա վաղը, իսկ այսօր Ռեյկյավիկում կկայանա Ֆիշերի շախմատի Եվրոպայի գավաթի խաղարկությունը: