«Արարատ-Արմենիա»-ն հայտարարություն է տարածել

Բարձրագույն խմբի 25-րդ տուրի վերջին խաղում «Արարատ-Արմենիա»-ն Ավանի ակադեմիայի մարզադաշտում ոչ-ոքի 2։2 հաշվով է ավարտել հանդիպումը «Շիրակ»-ի հետ, իսկ խաղի վերջաբանը լարված է ստացվել։

Հանդիպումից հետո «Արարատ-Արմենիա»-ն հայտարարություն է տարածել։

«Հարգելի ֆուտբոլասերներ, «Արարատ-Արմենիա» - «Շիրակ» հանդիպման ժամանակ օթյակում գտնվող «Արարատ-Արմենիա»-ի անձնակազմը և գլխավոր տնօրեն Պողոս Գալստյանը չափազանց բուռն կերպով արձագանքեցին մրցավարի որոշմանը՝ ցույց տալով իրենց անհամաձայնությունը:

Անձամբ պարոն Գալստյանը և ակումբի անձնակազմը զղջում են տեղի ունեցածի համար և այս տհաճ միջադեպը համարում են անթույլատրելի:

Հետագայում նման դեպքեր պետք է չկրկնվեն, իսկ ֆուտբոլասերներին կոչ ենք անում գալ մարզադաշտ և շարունակել աջակցել մեր թիմին և հայկական ֆուտբոլին»: