Բինգո վագրի մոտ լեյկոզ է ախտորոշվել, հրավիրվել է մասնագետների կոնսիլիում
Նախորդ շաբաթվա սկզբում Կենդանաբանական այգու վագրերից Բինգո անունով առանձնյակի մոտ վատառողջ լինելու նշաններ կային: Կենդանին թույլ էր, քիչ էր դուրս գալիս զբոսանքի, ակտիվության կորուստն ակնհայտ էր: Կենդանաբույժի ձեռնարկած մասնագիտական միջամտությունից հետո վագրի մոտ դրսևորվեցին կազդուրման նշաններ: Սակայն ուրբաթ օրը խնամողները նրա քթից արնահոսություն են նկատել։ Հրավիրվել է օն-լայն կոնսիլիում՝ Մոսկվայի, Թեհրանի և Ամստերդամի կենդանաբանական այգիների գլխավոր անասնաբույժների մասնակցությամբ, որի ընթացքում որոշվեց թմրեցնել կենդանուն, որպեսզի հնարավոր լինի սոնոգրաֆիայի եղանակով զննել նրան և վերցնել կենսաբանական նմուշներ՝ ախտորոշման և բուժման հետագա ընթացքը որոշելու համար: Սոնոգրաֆիան ի հայտ բերեց, որ կենդանու մոտ կա ընդգծված երիկամային անբավարարություն, իսկ արյան լաբորատոր հետազոտությունների արդյունքում ախտորոշվեց լեյկոզ: Ախտորոշումից հետո կրկին հրավիրվել է օն-լայն կոնսիլիում. այժմ մշակվում է բուժման սխեման, իսկ առաջիկայում Հայաստան կժամանեն մեր գործընկերները՝ իրավիճակին տեղում ծանոթանալու և մասնագիտական աջակցություն ցուցաբերելու համար: Երևանի կենդանաբանական այգու մամուլի ծառայություն |
«Ադրբեջանի ռազմական ագրեսիան հանգեցրել է լուրջ բնապահպանական խնդիրների». Եղիշե Կիրակոսյանը՝ Հաագայում
91215.04.2024, 21:24«Սայաթ-Նովա պողոտան հիմա այս տեսքն ունի»․ Քրիստինա Վարդանյան
140114.04.2024, 16:00Վերջին տասնամյակներում առաջին անգամ Վայոց Ձորում սև անգղի բույն է հատնաբերվել
195810.04.2024, 21:36Ուրալ գետի մակարդակը մեկ օրում բարձրացել է 81 սմ-ով (տեսանյութ)
207310.04.2024, 10:30Ապրիլի 10-ին առանձին գետերում հնարավոր են ջրի վտանգավոր ելքեր
140609.04.2024, 13:30«Ալավերդու ծառերի խորը էտը մտահոգիչ է»․ Օլեգ Դուլգարյան (լուսանկար)
15907.04.2024, 13:48