Հայտնի է Եվրոպայի առաջնությանը մեկնող Հայաստանի հավաքականի կազմը

Ապրիլի 12-ից 14-ը Ռումինիայի մայրաքաղաք Բուխարեստում կայանալիք հունահռոմեական ոճի ըմբշամարտի Եվրոպայի առաջնությանը Հայաստանը կներկայացնի 10 ըմբիշ: Հայտնի է ստուգատեսին մեկնող Հայաստանի հավաքականի կազմը՝ Ռուդիկ Մկրտչյանը (55 կգ), Գևորգ Ղարիբյանը (60 կգ), Սլավիկ Գալստյանը (63 կգ), Կարեն Ասլանյանը (67 կգ), Հրանտ Կալաչյանը (72 կգ), Արսեն Ջուլֆալակյանը (77 կգ), Սարգիս Քոչարյանը (82 կգ), Մաքսիմ Մանուկյանը (87 կգ), Արթուր Շահինյանը (97 կգ) և գերծանր քաշային Դավիթ Օվասափյանը:

Արթուր Ալեքսանյանը դեռևս լիովին չի ապաքինվել վնասվածքից և բաց կթողնի առաջնությունը: Կարապետ Չալյանը ծնկի լուրջ վնասվածք է ստացել և նրա փոխարեն 77 կգ քաշային կարգում Հայաստանը կներկայացնի Արսեն Ջուլֆալակյանը: