«Յուրաքանչյուր աշխատակից իր շանսն է ստանալու». Նիկոլ Փաշինյան
Գործադիրը հաստատեց «Կառավարության կառուցվածքի և գործունեության մասին» ՀՀ օրենքում փոփոխություններ և լրացումներ կատարելու նախագիծը, որը կուղարկվի ԱԺ քննարկմանը: ՀՀ վարչապետ Նիկոլ Փաշինյանը հանդես եկավ հայտարարությամբ. «Մեր հիմնական խնդիրը կառավարության արդյունավետությունը բարձրացնելն է, այդ թվում՝ սփյուռքի հետ կապերի: Այս պրոցեսի ընթացքում կադրային ջարդ չենք ունենալու, նախարարություններն իրենց բոլոր հաստիքներով կոնսոլիդացվելու են, ինչը չի նշանակում՝ այդպես մնալու է: Այո, կրճատումներ լինելու են, բայց էվոլյուցիոն տրամաբանությամբ. պետական յուրաքանչյուր աշխատակից իր շանսն է ստանալու. աշխատանքի գնահատման պրոցեսը պետք է տեղի ունենա օբյեկտիվ»: Նշենք, որ քննարկման ընթացքում կառավարության անդամները շարունակում էին նախարարությունների անվանումների հետ կապված հանդես գալ առաջարկներով, ինչին ի պատասխան վարչապետը նկատողություն արեց. «4-5 ամիս ա քննարկում ենք, հիմա եկել ենք կառավարության նիստին, պարզվում ա՝ էլի պետք ա քննարկենք: Ինչի՞ չեք քննարկել մինչև հիմա»: Հիշեցնենք՝ առաջարկվում է հետևյալ փոփոխությունը. 2. Կառավարության կառուցվածքում ընդգրկվում են հետևյալ նախարարությունները. 1) աշխատանքի և սոցիալական հարցերի նախարարությունը, 2) առողջապահության նախարարությունը, 3) արդարադատության նախարարությունը, 4) արտակարգ իրավիճակների նախարարությունը, 5) արտաքին գործերի նախարարությունը, 6) կրթության, գիտության, մշակույթի և սպորտի նախարարությունը, 7) շրջակա միջավայրի նախարարությունը, 8) պաշտպանության նախարարությունը, 9) տարածքային կառավարման և ենթակառուցվածքների նախարարությունը, 10) բարձր տեխնոլոգիաների արդյունաբերության նախարարությունը, 11) Էկոնոմիկայի նախարարությունը, 12) ֆինանսների նախարարությունը: |
«ԵՄ դեսպանը չի մասնակցի Պուտինի երդմնակալությանը». Փեթեր Սթանո
3312:24Նիկոլ Փաշինյանի ասուլիսը. ՈՒՂԻՂ ՄԻԱՑՈՒՄ (տեսանյութ)
3912:00«Որևէ փաստ ունե՞ք, որ տավուշյան շարժումն ուղղորդում է Ռուսաստանը». լրագրողը՝ ՔՊ-ականներին (տեսանյութ)
5811:36ԱԺ ճեպազրույցները՝ ուղիղ միացմամբ (տեսանյութ)
6111:18ՑԱՀԱԼ-ը վերահսկողության տակ է առել Ռաֆահի անցակետը
14311:00«Ինչո՞ւ Նիկոլը (դեռ) դուրս չի գալիս ԵԱՏՄ-ից»․ Աշոտյան
7010:48