«Հայաստանը կհայտնվի գերվտանգավոր աքցանում». Նարինե Դիլբարյան
Հայոց լեզվի պատմության ամբիոնի դոցենտ Նարինե Դիլբարյանի ֆեյսբուքյան գրառումը․ «Որքան մոտենում է համազգային շարժման քայլերթն իր տրամաբանական հանգրվանին՝ Երևանին, այնքան ավելի է արագանում ՀՀ իշխանությունների կողմից միջազգային իրավունքի և ՀՀ սահմանադրության տեսանկյունից ապօրինի, ուժի սպառնալիքի ներքո ընթացող ադրբեջանասահմանագծում և զատում գործողության լեգիտիմացումը։ Սրընթաց ականազերծում է կատարվում, որ թշնամին անխաթար թափանցի և հաստատվի ՀՀ ինքնիշխան տարածքում, ՀՀ անվտանգության տարրական երաշխիքներից զրկված քաղաքացուն խաբում են, թե այս կերպ փորձում են ինչ-որ փշուր պահել Հայաստանի Հանրապետություն կոչվող տարածքից արևմտյանադրբեջանացման ծրագրի կազմում, և դրա անունը խաղաղության պայմանագիր է լինելու։ Արցախի ինքնորոշման միջազգայնորեն ճանաչված իրավունքն ուրանալու, հայոց ցեղասպանությունն ուրանալու, Հայ դատից և հայոց ազգային ուխտից հրաժարվելու գինը փարիսեցիաբար կոչում են իրական Հայաստանի փրկություն։ Եթե ՔՊ-ն Նիկոլ Փաշինյանի գլխավորությամբ փորձի ուժով ճնշել շարժումը, սադրանքներ հրահրելով, ինչի վտանգն առկա է տեղեկատվական այն նողկալի պատերազմի համապատկերում, որ հայտարարվել է Հայ առաքելական եկեղեցու և մասնավորապես՝ շարժումն առաջնորդող Բագրատ սրբազանի դեմ, ապա Հայաստանը կհայտնվի գերվտանգավոր աքցանում։ Գնացե՛ք ձեզ և մեզ հայհոյող, մեր ազգային հետքն ու գոյությունը բացարձակ հերքող ու ոչնչացնող, ստեր և սպառնալիքներ ամենօրյա կարգով տարածող միջազգային հանցագործ իլհամ ալիևի քաղաքականության մասին բացահայտումներ արեք, ոչ թե հային հայի դեմ հրահրեք, ատելության ու բռնության խոսք տարածեք»։ Աղբյուրը` Նարինե Դիլբարյան |
«ՌԴ-ն պետք է վերանայումներ մտցնի Հարավային Կովկասում իրականացվող իր առաջնահերթությունների հարցում»․ Տ․ Աբրահամյան
4516:48«Տավուշի ու Արարատի մարզերի հանձնումները բերելու են նրան, որ Ադրբեջանը շրջափակի Հայաստանի հյուսիսն ու հարավը»․ Վ․ Գեղամյան
5515:48«Պետրոս Ղազարյա՛ն, կսպասեմ քեզ բերդում»․ Արմեն Աշոտյան
6915:36«Ալիևը հեռավոր Նոր Կալեդոնիայում էլ է կռվում մեր դեմ»․ Վահրամ Մարտիրոսյան
6815:24«Չպետք է թույլ տալ Լուկաշենկոյի մուտքը Հայաստան»․ Արսեն Խառատյան
7115:18Բագրատ Սրբազանն ամփոփում է կուսակցությունների ներկայացուցիչների հետ հանդիպման արդյունքները (լուսանկար, տեսանյութ)
6814:06