«ԵՄ-ն պատրաստ չէ ծրագրերի ֆինանսավորումն իրականացնել 100 տոկոսով». ՀՀ վարչապետ
![]() ՀՀ վարչապետ Նիկոլ Փաշինյանը, մինչ օրակարգային հարցերին անցնելը, ամփոփել է Բրյուսել կատարած այցի արդյունքները: «Բրյուսելում տեղի է ունեցել արձանագրում, որ ԵՄ-ն լիարժեք պատրաստ է մեզ աջակցել բարեփոխումների ու ՀՀ-ում զարգացման ծրագրեր իրականացնելու օրակարգում: Այս համագործակցության մեջ ԵՄ-ի ու մեր կողմից չկա աշխարհքաղաքական որևէ օրակարգ, ինչը շատ կարևոր է: Կա մի նրբություն, որտեղ պետք է առաջիկայում կարևոր որոշումներ իրականացվեն: Խնդիրը հետևյալն է՝ այսօր ԵՄ-ի հետ մի քանի մեգանախագծեր ենք քննարկել, առաջին խումբը վերաբերում է ճանապարհներին, տրանսպորտային ենթակառուցվածքներին: Մեր նպատակն է, որ ՀՀ-ում ճանապարհները բերվեն եվրոպական չափանիշների, ինչպես նաև Հյուսիս-հարավի վերաբերյալ կարևոր որոշումներ կայացվեն: Հաջորդը՝ ջրամբարաշինության ծրագրեր իրականացնելու մեծ պլանն է: Չափազանց կարևոր է Սևանա լճի ու Հրազդան գետի երկայնքով առնվազն մինչև Երևանյան լիճ, ջրերի մաքրման համակարգ ստեղծելը: Հաջորդ խնդիրը դպրոցաշինություն իրականացնելն է՝ հատկապես սեյսմիկ առումով»: Փաշինյանն ընդգծել է, որ ԵՄ-ն պատրաստ չէ ծրագրերի ֆինանսավորումն իրականացնել 100 տոկոսով ու ակնկալում է, որ լուրջ մասնակցություն պետք է ունենա նաև Հայաստանի Հանրապետությունը. «Մեր առաջնային խնդիրն է եկամուտների ավելացումը՝ վարչարարության, տնտեսական զարգացման, արտաքին միջոցների ներգրավման միջոցով»,- հավելել է վարչապետը: |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
