Երևան`   +10 °C
Այսօր`   Երեքշաբթի, 17 նոյեմբերի, 2026 թ.

«Այդ նախագիծը հնարավորություն էր ստեղծում մեկ առանձին գործարարի՝ տոտալ հսկողություն սահմանել իր ենթակայության բիզնեսների հանդեպ». Արեն Մկրտչյանի ակնարկը՝ Գագիկ Ծառուկյանին

322
Երեքշաբթի, 05 մարտի, 2019 թ., 13:55
«Այդ նախագիծը հնարավորություն էր ստեղծում մեկ առանձին գործարարի՝ տոտալ հսկողություն սահմանել իր ենթակայության բիզնեսների հանդեպ». Արեն Մկրտչյանի ակնարկը՝ Գագիկ Ծառուկյանին

ԱԺ «Իմ քայլը» խմբակցության պատգամավոր Արեն Մկրտչյանն արձագանքել է «Բարգավաճ Հայաստան» խմբակցության պատգամավոր Գևորգ Պետրոսյանի այսօրվա ելույթին: Մկրտչյանը նշել է, որ ԲՀԿ-ականների ներկայացրած «Արհմիությունների մասին» օրենքում փոփոխություններ կատարելու նախագիծը մանրամասն ուսումնասիրել են ու եկել այն եզրակացության, որ ռիսկ են գեներացնում՝ նախագծին դրական եզրակացություն տալով (քվեարկությամբ ԱԺ-ն մերժեց օրինագիծն ընդգրկել 2-րդ նստաշրջանի նիստերի օրակարգում-խմբ.)։ «Հնարավորություն էր ստեղծվում մեկ առանձին գործարարի, որը բիզնես գործունեություն է ծավալում տարբեր ոլորտներում, տոտալ վերահսկողություն սահմանել իր ենթակայության տակ գտնվող բիզնես ոլորտների հանդեպ: Ավելի պարզ՝ օրինակ, խաղատունը, կոնյակի գործարանը և ցեմենտի գործարանը կարող են ստեղծել մեկ արհմիություն ու եթե ինչ-որ հրաշքով պարզվեր, որ այդ երեք ձեռնարկությունները տնօրինում է մեկ սեփականատեր, մենք ռիսկ էինք գեներացնում քաղաքացիներին տոտալ վերահսկողության տակ դնելու՝ արհեստակցական միության միջոցով»,- հայտարարեց Արեն Մկրտչյանը: