Երևան`   +22 °C
Այսօր`   Երկուշաբթի, 17 հունիսի, 2019 թ.

Հայաստանում կենդանիների կենսաապահովման կետեր կկառուցվեն

162
Հինգշաբթի, 21 փետրվարի, 2019 թ., 00:05
Հայաստանում կենդանիների կենսաապահովման կետեր կկառուցվեն

ՀՀ ԿԵ սննդամթերքի անվտանգության տեսչական մարմնի ղեկավար Գեորգի Ավետիսյանը հյուրընկալել է Վրաստանի «Mercy Corps» ընկերության ներկայացուցիչներին: Հյուրերը ներկայացրել են մանրամասներ Շվեյցարիայի զարգացման գործակալության համաֆինանսավորմամբ Վրաստանի տարածքում կառուցված կենդանիների կենսաապահովման կետերի կամ կենդանիների հավաքատեղերի վերաբերյալ, որոնք նախատեսված են ամառային արոտավայրերի տեղաշարժի, էկտո և էնդոպարազիտների նկատմամբ կատարվող անասնաբուժական միջոցառումների, համարակալման, պատվաստման և այլ միջոցառումների համար: ՍԱՏՄ ղեկավար Գեորգի Ավետիսյանը բարձր է գնահատել այդպիսի հավաքատեղիի ստեղծումը՝ նշելով, որ այս այցը կարելի է համարել առաջիկայում կենդանիների նույնպիսի կենսաապահովման կետեր Հայաստանում ևս կառուցելու մեկնարկ:

Վրացական կողմը պատրաստակամություն է հայտնել տամադրելու հնարավոր աջակցություն, մասնավորապես՝ Վրաստանի փորձը տեղում ուսումնասիրելու, ճանապարհների քարտեզագրման, փորձագետի տրամադրման հարցում: