Ինչպես և ինչու են կուղբերն ամբարտակներ կառուցում

Կուղբերը կաթնասունների դասի կրծող կենդանիներ են, նրանք բնակեցնում են անտառային հանդարտ գետերի, վտակների և լճերի ափերը։ Կուղբերը իրենց իսկ տապալած ծառերից, ճյուղերից, քարերից, տիղմից ու այլ նյութերից կառուցում են ամբարտակներ, որպեսզի, բարձրացնելով ջրի մակարդակն, ստանան արհեստական լճեր:

Այդ լճերում կուղբերը կառուցում են երկու տեսակի բներ՝ գետնափոր և մակերևութային։ Մակերևույթի վրա գտնվող բները լողացող կղզյակներ են, որոնք ունեն 1-3 մետր բարձրություն և մինչև 10 մետր տրամագիծ։

Այդ կառույցներում նրանք քնում են, պահում ձմեռային պաշարները և թաքնվում գիշատիչներից։

Հետաքրքրական այս տեսանյութերը պատմում են, թե ինչ հսկայական աշխատանք են կատարում կուղբերը ամբարտակներ կառուցելու համար: