«Որոշ վարորդներ ինչ ուզում՝ անում են, իսկ թիրախում հայտնվում է ՃՈ-ն». Սերգեյ Ղահրամանյան

«Վարորդի ընկեր» ՀԿ-ի համահիմնադիր Սերգեյ Ղահրամանյանը «Ֆեյսբուք»-ում գրել է. «Հետաքրքիր իրավիճակ ունենք.

Արդեն տևական ժամանակ ա, որ բոլորը (Ս) բողոքում ենք երթևեկությունից, ավելի կոնկրետ վարորդների որոշ կոնտինգենտից, ովքեր իրենց ազատություն են տվել և «դուխով» բառը հասկացել են բառացիորեն և ինչ ուզում անում են, և այս ամենի արդյունքում ամեն անգամ թիրախում է հայտնվում ՃՈ-ն:
Հատկապես մեդիան և լրատվական դաշտը ահագին անդրադարձավ, բայց վերջին մի քանի ամիսներին ՃՈ-ն աշխատում է այսպես ասած իր ուժերի գերլարումով, ինչպես նաև ցանկացած տեսանյութ, որ հայտնվում է լրատվական դաշտում և կա իրավախախտում, ՃՈ-ն առանց վարանելու իրավական բոլոր լծակներն օգտագործում է վարորդներին օրենքի սահմաններում (ցավոք, շատ մեղմ) պատժելու համար:

Առնվազն ազնիվ չէ, որ այս փաստին չեն անդրադառնում լրագրողները, քանի որ շատ փոքր, բայց հստակ քայլերով այս ամենը կարար շատ մեջ ձնագնդիկի էֆեկտ ունենալ և գոնե առնվազն պոտենցիալ իրավախախտում անել ցանկացողների քանակը գոնե ինչ-որ տոկոս կպակասեցներ:

Ցավոք, մեր օրենքները և պատժաչափերը դեռ այնքան չեն խիստ, որ խախտում կատարողին հետ պահեն երկրորդ անգամ նույն խախտումն անելուց»: