ԵԱՏՄ տարածքում հայ մարզիկներն այլևս լեգիոներ չեն համարվի
![]() Պրոֆեսիոնալ մարզիկները ԵԱՏՄ անդամ պետությունների տարածքում չեն համարվի լեգիոներներ: Սա թույլ կտա Հայաստանի հավաքական թիմերում ընդգրկել Ռուսաստանում ու անդամ այլ երկրներում հանդես եկող մի շարք բարձրակարգ մարզիկների, որոնք լեգիոներների լիմիտի պատճառով ստիպված մերժում էին Հայաստանի դրոշի տակ հանդես գալու հրավերը: Եվրասիական տնտեսական միության դատարանը Եվրասիական տնտեսական հանձնաժողովի դիմումի համաձայն դեկտեմբերի 7-ին քննել ու եզրակացություն է կայացրել ԵԱՏՄ-ի պայմանագրի 97-րդ հոդվածի 2-րդ մասի վերաբերյալ, մասնավորապես, այն մարզիկների, որոնք հանդես են գալիս ԵԱՏՄ անդամ պետությունների մարզական ակումբներում: Համաձայն 97-րդ հոդվածի 2-րդ կետի՝ ԵԱՏՄ անդամ պետությունները սեփական աշխատաշուկան պաշտպանելու պատճառով սահմանափակումներ չեն կիրառում ԵԱՏՄ անդամ մյուս պետություններից՝ աշխատանքի նպատակով իրենց երկիր տեղափոխված քաղաքացիների նկատմամբ: Բացառություն են կազմում ազգային անվտանգության նպատակներով դրված սահմանափակումները: ԵԱՏՄ դատարանը եկել է եզրակացության, որ ԵԱՏՄ անդամ պետությունների կողմից պրոֆեսիոնալ մարզիկների նկատմամբ կիրառվող սահմանափակումները արգելք են հանդիսանում, որոնք թույլ չեն տալիս ԵԱՏՄ-ում աշխատանքային ռեսուրսների միասնական շուկա ունենալ: Բացի այդ, ԵԱՏՄ դատարանի գերագույն խորհուրդի կարծիքով ԵԱՏՄ անդամ պետությունները պարտավոր են կատարել Եվրասիական տնտեսական հանձնաժողովի որոշումները, իսկ դրանց հետ համաձայն չլինելու դեպքում իրավասու են բողոքարկել դրանք սահմանված կարգով: |

Նորվեգիան սահմանափակել է ռուս և բելառուս մարզիկների մուտքը
33100:43
Լատվիա-Հայաստան՝ 0:0. մեր հավաքականի դարպասապահը՝ լավագույն խաղացող
23515.11.2026, 21:12
Տիգրան Հարությունյանը հաղթել է թուրք մրցակցին ու դարձել քիքբոքսինգի Եվրոպայի չեմպիոն
20014.11.2026, 19:42
Հայկ Մարտիրոսյանը հաղթել է շախմատի աշխարհի հնգակի չեմպիոն Մագնուս Կարլսենին (տեսանյութ)
19614.11.2026, 00:30
Հայաստանն ու Կիպրոսը ոչ ոքի խաղացին
20212.11.2026, 23:24
Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն
17312.11.2026, 18:54
