Ի՞նչ ճակատագրի արժանացան «Դինգո Թիմ»-ի հայտնաբերած սովահար շները
Օրերս կենդանիների պաշտպանությամբ զբաղվող «Դինգո Թիմ»-ը Ֆեյսբուքում հայտարարություն էր տարածել, որ բացահայտել է անմարդկային պայմաններում ցեղական շներ բուծող մի կնոջ և վերցրել շներին՝ տեղափոխելով կլինիկա: Մեր թղթակիցը խնդրի վերաբերյալ փորձեց մանրամասներ իմանալ «Դինգո Թիմ» ՀԿ-ի հիմնադիր-նախագահ Օվսաննա Հովսեփյանից: «Շներից մի քանիսն արդեն որդեգրվել են, իսկ մնացածի համար, որոնք կլինիկայում են, տերեր են փնտրում: Եղել են նաև ձագեր, որոնց այդ կինը վաճառել էր Զեյթունի կենդանիների շուկայում»,- տեղեկացրեց մեր զրուցակիցը: Նա նշեց, որ կենդանիների պաշտպանության վերաբերյալ չկա օրենք, սակայն քաղաքապետարանում գործում են Ընտանի կենդանիներին հաշվառելու և պահելու կանոններ, ըստ որի՝ իրենք կարող ենք իրականացնել ստուգումներ և տուգանել այն մարդկանց, ովքեր դրանց չեն հետևում: Հարցին, արդյոք պատասխանատվության կենթարկվի՞ այդ կինը, Օվսաննա Հովսեփյանը պատասխանեց. «Քանի որ կինն ինքնակամ է կենդանիներին հանձնել մեզ, ուստի, այդպիսով, նա կխուսափի տուգանքներից: Մենք ունենք տեսաձայնագրություն, թե ինչպես է նա առաջինը բացում դուռը և մեզ հանձնում շներին»: ՀԿ-ի նախագահի խոսքերով՝ այդ կինը նույնիսկ չուներ անձնագիր, փաստաթղթեր, որոնք կհավաստեին, որ կենդանիներն իրեն էին պատկանում և չի բացառվում, որ շները կարող էին նաև գողացված լինել: «Պայմաններն անտանելի էին, շները՝ սովահար վիճակում՝ լվաթափ ու ճիճվաթափ չեղած…կոշիկներս ամբողջովին կեղտոտվել էին, երբ ներս մտա»,- պատմում էր մեր զրուցակիցը: ՀԿ-ի նախագահը նշեց, որ նման դեպքեր էլի են եղել: Վերջերս Զովունիում է բացահայտվել նմանատիպ մի դեպք, երբ կինը կենդանիներին պահում էր նկուղում՝ վատ պայմաններում: «Քանի որ նա չգիտեր նրանց պահելու կանոնները և չէր բուծում շներին՝ երկուսին ստերջացրինք և հանձնեցինք իրեն, սակայն այս մյուս դեպքում՝ շներն այլևս չենք վերադարձնելու»,- ասաց ՀԿ-ի նախագահը: |
82 մլն 168 հազար դրամ՝ 1080 ծառի համար, որից տնկվել է մոտ 400-ը․ «Ժողովուրդ»
12320.04.2024, 09:24Դիլիջանի քրեականի պետի հրամանով Ազգային պարկում ծառահատումներ են․ «Բնապահպանի տուն»
14920.04.2024, 02:06«Ադրբեջանի ռազմական ագրեսիան հանգեցրել է լուրջ բնապահպանական խնդիրների». Եղիշե Կիրակոսյանը՝ Հաագայում
93515.04.2024, 21:24«Սայաթ-Նովա պողոտան հիմա այս տեսքն ունի»․ Քրիստինա Վարդանյան
150414.04.2024, 16:00Վերջին տասնամյակներում առաջին անգամ Վայոց Ձորում սև անգղի բույն է հատնաբերվել
196310.04.2024, 21:36Ուրալ գետի մակարդակը մեկ օրում բարձրացել է 81 սմ-ով (տեսանյութ)
209210.04.2024, 10:30