«Մենք շարունակում ենք չունենալ կենդանիների համար օրենքներ և մարդկային ապահով միջավայր». Կարինե Փանոսյան
Այսօր կենդանիների պաշտպանության համաշխարհային օրն է: Օր, որը սահմանվել է պաշտպանելու բնության մյուս էակներին: «Ցավոք սրտի վերջին տարիներին մեր պայքարի արդյունքում որևէ բան չի փոխվել պետական մարմինների վերաբերմունքի ու գործունեության տեսանկյունից»,- MAMUL.am-ի թղթակցի հետ զրույցում նշում է բնապահպան Կարինե Փանոսյանը և ավելացնում, որ դեռևս չկան օրենքներ կենդանիներին դաժան վերաբերմունքից պաշտպանելու համար: Բնապահպանի փոխանցմամբ՝ արվում են որոշակի ծրագրեր՝ կամավորական ուժի միջոցով մարդկանց վերաբերմունքը փոխելու համար, սակայն սա դեռ բավարար չէ: «Մենք պետք է ունենանք պետական աջակցություն՝ կրթական ծրագրեր, սոցիալական նախաձեռնություններ, տեսանյութեր ու պոստերներ, հանրային միջոցառումներ: Տարբեր միջոցներով պետք է հասարակությանը պատրաստել: Դա մասշտաբային գործընթաց է»,- կարծիք հայտնեց բնապահպանը՝ նշելով, որ իրենց պայքարի արդյունքում կարողացել են փոխել հասարակության մտածելակերպն ու վերաբերմունքը: Ըստ Կարինե Փանոսյանի՝ այսօր մարդիկ անտարբեր չեն խնդիրների նկատմամբ, յուրաքանչյուր երկրորդ, երրորդ քաղաքացի արձագանքում է, երբ տեսնում է կենդանու նկատմաբ դաժան վերաբերմունք: «Իհարկե, առավելապես ակտիվ են քաղաքաբնակները, գյուղերում, այն էլ՝ ծայրամասերում, մի փոքր տխուր է վիճակը, չեմ խոսում շուն կռվացնելու հին ու զզվելի սովորության մասին, որն իրականացվում է հատուկ վայրերում՝ հասարակության աչքից հեռու»: Մեր զուցակցի խոսքով՝ Հայաստանում արդեն մի քանի տարի է ակտիվորեն իրականացվում է կենդանիների որդեգրումը: «Շատ լավ է, որ մարդիկ նախընտրում են անտուն շնիկին՝ բուծման ադյունքում վաճառվածից։ Շատ եմ ուրախանում, որ զարգացել է մեր հասարակությունը, և բարձրացել է մեր էկոգիտակցությունը»: Հավելենք, որ Կենդանիների համաշխարհային օրն ընդունվել է 1931 թվականին Իտալիայի Ֆլորենցիա քաղաքում՝ բնության պաշտպանության շարժման կողմնակիցների միջազգային համաժողովում: |
«Ադրբեջանի ռազմական ագրեսիան հանգեցրել է լուրջ բնապահպանական խնդիրների». Եղիշե Կիրակոսյանը՝ Հաագայում
77615.04.2024, 21:24«Սայաթ-Նովա պողոտան հիմա այս տեսքն ունի»․ Քրիստինա Վարդանյան
124014.04.2024, 16:00Վերջին տասնամյակներում առաջին անգամ Վայոց Ձորում սև անգղի բույն է հատնաբերվել
195710.04.2024, 21:36Ուրալ գետի մակարդակը մեկ օրում բարձրացել է 81 սմ-ով (տեսանյութ)
207010.04.2024, 10:30Ապրիլի 10-ին առանձին գետերում հնարավոր են ջրի վտանգավոր ելքեր
140609.04.2024, 13:30«Ալավերդու ծառերի խորը էտը մտահոգիչ է»․ Օլեգ Դուլգարյան (լուսանկար)
15907.04.2024, 13:48