Երևան`   +5 °C
Այսօր`   Ուրբաթ, 29 մարտի, 2024 թ.

Գլենդելի քաղաքային խորհուրդը հավանություն է տվել Արցախի պողոտա ունենալու որոշմանը

3303
Հինգշաբթի, 14 հունիսի, 2018 թ., 16:45
Գլենդելի քաղաքային խորհուրդը հավանություն է տվել Արցախի պողոտա ունենալու որոշմանը

Գլենդելի քաղաքային խորհուրդը հունիսի 12-ին բանաձև է ընդունել՝ Մերիլանդի, Վիլսոնի և Հարվարդի փողոցները հատող հատվածն «Արցախ»-ով անվանափոխելու մասին:

Նախաձեռնության մասին ամիսներ առաջ հայտնել էր Ամերիկայի հայ դատի գրասենյակի արևմտյան թևը:

Ըստ Armenianweekly-ի՝ բանաձևի ընդունման հարցում իր աջակցությունն է ցուցաբերել ԱՄՆ Հայ Դատի գրասենյակը:

Քաղաքային խորհրդի շենքի մոտ ելույթով հանդես եկած Մարգարիտա Բաղդասարյանը նշել է, որ Արցախ անունն ունի պատմական և մշակութային նշանակություն հայ-ամերիկյան համայնքի համար և ծառայելու է որպես միջոց Գլենդելի բնակչությանն իրազեկելու հարցում, քանի որ նրանք հետաքրքրված են Արցախի Հանրապետության և Արցախյան ազատագրական շարժման պատմությունով:

Նրա խոսքով՝ անվանափոխությունը գրավելու է զբոսաշրջիկների ուշադրությունը հատկապես այն բանի համար, որ փողոցը գտնվում է բանուկ հատվածում: