Պերուում հայտնաբերվել են անձրևի աստծուն զոհաբերված երեխաների կմախքներ

Պերուի հյուսիսում շինարարական աշխատանքների ժամանակ հայտնաբերվել է 47 կմախք, որոնցից առնվազն 12-ը՝ երեխայի: Նրանք զոհ են մատուցվել 1500 տարի առաջ, չիմու մշակույթի օրոք: Հնարավոր է, որ նրանց սրտերը հանված են եղել, գրում է La Republica-ն: Հնագետների կողմից իրականացվող պեղումների հետևանքով հայտնաբերված գերեզմանատեղիների թիվը հասել է 77-ի: Գտնվել են նաև 115 անոթ, ուղտազգի կենդանու ոսկորներ:

Հայտնաբերվել է նաև նորածին երեխայի կմախք, ում նույնպես զոհ են մատուցել:

Անցած հոկտեմբերից սկսված պեղումերը կշարունակվեն մինչև 2018-ի հունիս:

Ըստ գիտնականների՝ այս գտածոն կարելի է համարել միակ հավաստի վկայությունը, որ նախակոլումբյան քաղաքակրթությունները մարդկանց են զոհաբերել: Գիտնականները նաև ենթադրում են, որ երեխաները զոհաբերվել են անձրևի աստծուն: