Աղի բյուրեղի չափ. IBM-ը ցուցադրել է աշխարհի ամենափոքրիկ համակարգիչը

IBM ընկերությունը IBM Think 2018 գիտաժողովի ժամանակ ցուցադրել է իր նորույթն՝ աշխարհի ամենափոքր համակարգիչը: Դրա մասին առայժմ շատ տեղեկատվություն չկա, հնարավոր է՝ ընկերությունը դրանք տրամադրի ավելի ուշ:
Համակարգիչն ունի 1x1 մմ չափեր: Համեմատության համար նշենք, որ նախորդ ռեկորդակիրը, որ ցուցադրվել է 2015-ին Michigan Micro Mote ցուցադրության ժամանակ, ունեցել է 2 մմ երկարություն:
Աղի բյուրեղի չափ համակարգչի արժեքը կկազմի 10 ցենտից ոչ ավելի: Այն ունի պրոցեսոր՝ մի քանի հարյուր հազար տրանզիստորներով, ֆոտոմարտկոց սնուցման համար և կապի մոդուլ՝ բաղկացած լուսադիոդներից ու ֆոտոդետեկտորներից: Դրա անունը դեռևս հայտնի չէ: Ենթադրվում է, որ այս համակարգիչը հնարավոր կլինի կիրառել մատակարարումների հեռահար հսկման, ապրանքների տեսակավորման, կեղծարարությունների դեմ պայքարի համար: Ընկերությունը հավաստիացնում է, որ 5 տարվա ընթացքում փոքր համակարգիչները զավթելու են բոլոր առարկաներն ու սարքերը։ Հայտնի չէ սակայն, թե երբ է սկսվելու մինի համակարգիչների արտադրությունը: