Թրամփի փաստաբանները պոռնոդերասանուհուց 20 միլիոն դոլար են պահանջում

ԱՄՆ նախագահ Դոնալդ Թրամփի փաստաբանները պոռնոդերասանուհի Ստեֆանի Քլիֆորդից 20 միլիոն դոլար են պահանջել՝ ԱՄՆ նախագահի հետ սեռական կապի մասին տեղեկատվությունը չհրապարակելու մասին համաձայնությունը խախտելու համար, հայտնում է CNN-ը:

Փաստաթղթերը ներկայացվել են Լոս Անջելեսի Գերագույն դատարան:

Ավելի վաղ Քլիֆորդը դատական հայց էր ներկայացրել Թրամփի դեմ՝ պահանջով չեղյալ հայտարարել համաձայնությունը:

Թրամփի փաստաբանները պահանջել են գործը Քալիֆորնիայի դաշնային շրջանային դատարանին հանձնել: Նրանք նշել են, որ Քլիֆորդը խախտել է համաձայնությունն առնվազն 20 անգամ, որոնցից յուրաքանչյուրի համար պոռնոդերասանուհին պետք է մեկական միլիոն դոլար վճարի:

Ընդ որում, մեկ ամիս առաջ ԱՄՆ նախագահի փաստաբան Մայքլ Քոենը խոստովանել էր, որ մեկ անգամ սեփական գրպանից 130 հազար դոլար է վճարել պոռնոդերասանուհուն տեղեկությունը թաքցնելու համար: