Դոնալդ Թրամփ-կրտսերը հայտարարել է ամուսնալուծվելու մասին

​New York Post-ը՝ հղում անելով Դոնալդ Թրամփ-կրտսերի ընտանիքին մոտ կանգնած աղբյուրներին, հայտնել է, որ Վանեսա Թրամփն ամուսնալուծության հայց է ներկայացրել:

Պարբերականի զրուցակիցները նշել են, որ 40-ամյա Վանեսան փաստաթղթերը ներկայացրել է Նյու Յորքի դատարան:

Փաստաթղթերում ասվում է, որ Վանեսան ցանկանում է ամուսնալուծվել որքան հնարավոր է շուտ: Ընդ որում, նա չի պատրաստվում դատի տալ՝ երեխաներին խնամելու և կարողությունը կիսելու իրավունքների առնչությամբ:

Ավելի ուշ զույգը պաշտոնապես հաստատել է ամուսնալուծության լուրը: Համատեղ հայտարարության մեջ ասվում է, որ նրանք «ցանկանում են գնալ տարբեր ուղիներով»: