Երևան`   +8 °C
Այսօր`   Երեքշաբթի, 17 նոյեմբերի, 2026 թ.

Համալրումներ՝ Ա լիգայի ակումբների կազմերում

328
Հինգշաբթի, 01 մարտի, 2018 թ., 21:50
Համալրումներ՝ Ա լիգայի ակումբների կազմերում

Ա լիգայում հանդես եկող «Ինժեներ», «Գրանդ սպորտ» և «Շիրակ» ակումբները համալրել են իրենց կազմերը:

«Ինժեներ» ակումբին միացան սերբ բասկետբոլիստ Ֆիլիպ Չոսիչը և Հայաստանի երիտասարդական հավաքականի խաղացող Ռաֆիկ Ուզունյանը: «Ուրարտու» ակումբից «Ինժեներ» է տեղափոխվել նաև Արամայիս Մայիլյանը:

«Գրանդ սպորտ»-ին միացել է ամերիկահայ Ալեքս Մկրտչյանը, իսկ Նարեկ Ազարյանը և Խաչատուր Ավագյանը համալրել են «Շիրակ» ակումբի շարքերը: «Ուրարտու» ակումբի կազմը համարել է ազգությամբ ռուս բասկետբոլիստ Արտյոմ Ալտունինը : Արտյոմ Ալտունինը ծնվել է 1992 թվականի հոկտեմբերի 30-ին ՌԴ-ի Նովոսիբիրսկ քաղաքում: Հանդես է եկել ռուսական մի շարք ակումբներում, իսկ նրա վերջին ակումբը եղել է «Տոբոլսկ» ակումբը, որտեղ նա անցկացրել է 25 հանդիպում և միջինում վաստակեց 11.1 միավոր:

Այսօր «Արթիկ» ակումբի կազմում տեղի են ունեցել փոփոխություններ: Հայաստանի ազգային հավաքականի ավագ Ամիրան Ամիրխանովի փոխարեն «Արթիկ» ակումբում իրենց կարիերան կշարունակեն Հայաստանի երիտասարդական հավաքականի նախկին ավագ, ազգային հավաքականի թեկնածու Սերգեյ Պոլուխինը և ՎՏԲ ուսանողական լիգայում հանդես եկող Սերգեյ Վիննիկը:
Սերգեյ Պոլուխինը ծնվել է 1995 թվականի սեպտեմբերի 17-ին: ՀՀ հավաքականում իր նորամուտը նշել է դեռ 16 տարեկանում: Հայաստանի ազգային հավաքականի կազմում 2016 թվականին դարձել է Եվրոպայի փոքր երկրների առաջնության հաղթող: Սերգեյ Վիննիկը ծնվել է 1996 թվականի մարտի 11-ին: Հանդես է եկել ռուսական մի շարք ակումբներում: Պոլուխինն ու Վիննիկը միասին հանդես էին գալիս ռուսական ՎՏԲ ուսանողական լիգայում հանդես եկող «Բարս» ակումբում: