Մահացել է «Մանչեսթր Յունայթեդ»-ի նախկին ֆուտբոլիստը

Փետրվարի 9-ին մահացել է Իռլանդիայի ազգային հավաքականի և «Մանչեսթր Յունայթեդ»-ի նախկին կիսապաշտպան Լիամ Միլերը։ Նա տառապում էր ենթաստամոքսային գեղձի քաղցկեղից։ 36-ամյա իռլանդացու մոտ հիվանդությունն ախտորոշվել է 2017 թվականին։ Միլերը շոտլանդական «Սելթիկ»-ի սան էր։ Մարզական կարիերայի ընթացքում հանդես է եկել «Մանչեսթր Յունայթեդ»-ում, «Սանդերլենդ»-ում, «Լիդս Յունայթեդ»-ում և «Քուինզ Պարկ Ռեյնջերս»-ում։ Իռլանդիայի հավաքականի կազմում նա 21 հանդիպում է անցկացրել՝ հեղինակելով 1 գնդակ։