Google-ի հավելվածը կգտնի քո նմանակին արվեստի գործերում

Google Arts & Culture բջջային հավելվածը տվյալների իր բազայում կուտակել է աշխարհի 70 երկրների 1200 թանգարանների արվեստի գործերի թվային լուսանկարները՝ հարյուրհազարավոր ցուցանմուշներ: Այստեղ օգտատերերը կարող են մանրակրկտորեն ուսումնասիրել դրանք ու անգամ իրականացնել վրտուալ ճանապարհորդություն դեպի թանգարաններ՝ VR-ակնոցների միջոցով: Հավելվածը կարելի է ներբեռնել Android и iOS օպերացիոն համակարգերի համար:

Իսկ Google Arts & Culture-ի հունվարյան թարմացումը ներառում է նաև մի հետաքրքիր գործառույթ՝ «Is your portrait in a museum?» («Կա՞ արդյոք քո դիմանկարը թանգարանում») անվամբ: Այստեղ օգտատերը կարող է ինքնանկար անել ու դրանով փնտրել արվեստի գործերում իր նմանակին: