Սաուդյան Արաբիայում, պատմության մեջ առաջին անգամ, կանայք մարզադաշտ են այցելել

Սաուդյան Արաբիայում պատմական իրադարձություն է տեղի ունեցել։ «Ալ Ահլի Ջիդա» - «Ալ Բաթին» հանդիպմանը, պատմության մեջ առաջին անգամ, ներկա են գտնվել կանայք։ Բացի այդ նրանց թույլատրել են այցելել առաջիկա երկու խաղերին։ Նման որոշումը կայացվել է կանանց իրավունքներն ընդլայնելու ծրագրերի շրջանակներում, որն սկսել է իրականացնել թագավոր Սալման Իբն Աբդուլ Ազիզ Ալ Սաուդը, ով գահին է 2015 թվականից։ Նշենք նաև, որ 3 քաղաքներում՝ Էր Ռիյադում, Էդ Դամամեում և Ջիդում, մարզադաշտերը կվերակառուցվեն՝ կանանց սեկտոր ստեղծելու համար։