Սերգեյ Սկրիպալը դուրս է գրվել հիվանդանոցից

Ռուս նախկին հետախույզ Սերգեյ Սկրիպալին, ով թունավորվել էր մարտի 4-ին Սոլսբերիում, դուրս է գրվել հիվանդանոցից: Այս մասին հայտնել է Մեծ Բրիտանիայի առողջապահության ծառայությունը: Ավելի վաղ դուրս էր գրվել նաև նրա դուստրը՝ Յուլիան:

Բրիտանական իշխանությունները Սկրիպալի դստերը տեղափոխել են անհայտ վայր: Ռուսական կողմին չեն թույլատրել այցելել Սկրիպալներին:

«Սկրիպալն իրեն լավ է զգում, նա դուրս է գրվել հիվանդանոցից: Նրանց համար, ովքեր տուժել են այդ դեպքից, ծանր ժամանակաշրջան էր»,- РИА Новости-ն մեջբերում է հիվանդանոցի տնօրենի խոսքը: