«Վստա՞հ եք, որ Սահմանադրություն փոխելու «Ալիևի պահանջը» Նիկոլի խնդրանքով չի հայտնվել»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Ի դեպ, հարց, հարգելի ընկերնե՛ր. իսկ վստա՞հ եք, որ Սահմանադրություն փոխելու «Ալիևի պահանջը» Նիկոլի խնդրանքով չի հայտնվել։
Եւ այդ «դե ինչ անենք, ախր Ալիևն ա ստիպում» թեզը, որն իբր հերքելով, բայց ամեն օր կրկնում են, մտածված են անում, այլ ոչ թե ստիպված։
Որովհետև Սահմանադրությունը փոխելը Նիկոլին վստահաբար շատ, շատ ավելի է անհրաժեշտ, քան Ալիևին։ Վերջինս մեծ հաշվով թքած ունի, թե մեր Սահմանադրությունում կամ Անկախության հռչակագրում ինչ է գրված, որովհետև Նիկոլն այսպես թե այնպես ոնց ուզում, այդ փաստաթղթերը տրորում է։
Իսկ այ Նիկոլի՝ ՀՀ-ի ղեկին հնարավորինս երկար մնալը իրեն շատ է պետք»։