«Հրավիրում ենք մեր հայ գործընկերներին համագործակցել մեզ հետ». Օվերչուկ

Ռուսաստանի փոխվարչապետ Ալեքսեյ Օվերչուկը կասկածում է, որ իր հայ գործընկերները հաջողության են հասնում այլ շուկաներ ձևավորելու հարցում։

«Ինչպես երևում է, ոչ։ Նրանք, իհարկե, որոշակի փոքր օգնություն են ստացել, բայց դա ոչինչ է այն մեծ և ծանոթ շուկայի համեմատ, որը Ռուսաստանը ներկայացնում է նրանց համար։ Եվ մենք նույնպես սովոր ենք այս ապրանքներին», - ասել է Օվերչուկը «Վեստի» լրատվական գործակալության համար Պավել Զարուբինի հետ հարցազրույցում:

Փոխվարչապետը ընդգծել է, որ Ռուսաստանն ստիպված է պաշտպանել իր շուկան։

«Այսօր իրավիճակն այնպիսին է, որ մենք ստիպված ենք պաշտպանել մեր շուկան։ Եվ մենք հրավիրում ենք մեր հայ գործընկերներին համագործակցել մեզ հետ այս հարցում», - ասել է փոխվարչապետը»: