Իրանը կարող է համաձայնվել բացել Հորմուզի նեղուցը մեկ պայմանով

Իրանը կարող է համաձայնվել բացել Հորմուզի նեղուցը, եթե Սպիտակ տունը վերացնի Թեհրանի դեմ պատժամիջոցները, Fars լրատվական գործակալությանը հայտնել է բանակցային թիմին մոտ կանգնած աղբյուրը։

«Հակառակ որոշ ենթադրությունների և լրատվամիջոցների քարոզչության, ԱՄՆ-ի ֆինանսների նախարարության կողմից մի շարք պատժամիջոցների վերացումը կապված է Իրաքի կառավարության և Վաշինգթոնի փոխազդեցությունների հետ և ոչ մի կապ չունի Իրանի հետ կնքված համաձայնագրի հետ»,- ասել է աղբյուրը։

Հաղորդագրությունում նաև նշվում է, որ ԱՄՆ-ն խախտել է Իսլամաբադի փոխըմբռնման հուշագիրը, որը, ենթադրաբար, հակասում է Հորմուզի նեղուցում սահմանված նավարկության ընթացակարգերին։

«Ռազմական գործողությունների և ծովային շրջափակման հետ մեկտեղ, նավթի և նավթամթերքի արտահանման թույլտվությունների չեղարկումը սահմանափակել է իրանական սառեցված ակտիվների հասանելիությունը։ Նորմալ իրավիճակի վերականգնումը հնարավոր է միայն այն դեպքում, եթե Իրանը համապատասխան միջոցներ ձեռնարկի Հորմուզի նեղուցում, և ԱՄՆ-ն իրականում կատարի իր պարտավորությունները», - նշել է աղբյուրը։

Նրա խոսքով, նույնիսկ եթե Իրանի և Օմանի միջև վերջնական համաձայնության հասնեն, Հորմուզի նեղուցի բացումը կպահանջի լրացուցիչ միջոցառումներ, այդ թվում՝ Միացյալ Նահանգների կողմից իր պարտավորությունների կատարումը։

Հիշեցնենք, որ Իրանն ու Օմանը նախկինում համաձայնության էին եկել Հորմուզի նեղուցում նավագնացության երթուղու աշխարհագրական առանձնահատկությունների վերաբերյալ։