«Գիտեմ՝ որն է բռնաճնշումը․ երբ ձեր հայրը նախագահ էր, հորս հրավիրեցին ԱԱԾ, գնաց ու երեք ամիս չեկավ»․ Ռուբեն Ռուբինյանը՝ Լևոն Քոչարյանին

«Բարեկիթ լինելու առաջարկը, որ անում եք՝ կարող է հետաքրքիր թվալ, եթե սա լսեր մեկը, ով ոչնչից տեղյակ չէ։ Եթե խոսում ենք բարեկրթությունից, ինչքանով է բարեկիրթ, եթե այստեղ պիպի լիներ 4–րդ՝ ԲՀԿ խմբակցություըն, բայց նրա ձայները գողացվեցին, հետո՝ ԲՀԿ-ի նկատմամբ տեղի ունեցողը, իմ գործընկերներից շատերը ձեր կառավարության կողմից ենթարկվել են խոշտանգումների ու քաղաքական հետապնդումների։ Այս ամեն ինչը դուք ինչքանո՞վ եք համարում բարեկիրթ, ժողովրդավար»,- ԱԺ «Հայաստան» խմբակցության պատգամավոր Լևոն Քոչարյանը դիմեց ԱԺ նախագահի թեկանծու Ռուբեն Ռուբինյանին։

«Ձեր մատնանշածը բարեկրթության հետ կապ չունի։ Հայաստանում գործում է օրենքը և մեր իրավապահ ու դատական մարմիններն աշխատում են համապատասխանաբար»,- ի պատասխան ասաց Ռուբեն Ռուբինյանը և շարունակեց․ «Քաղաքական ճնշումներ հիմա չկան, բայց ես գիտեմ՝ ինչ է քաղաքական ճնշումը, որովհետև 2008թ․, երբ ձեր հայրը նախագահ էր, պարոն Կարապետյանի հայրը՝ ՀՀԿ խմբակցության ղեկավարը, մարտի 3-ին մեր դուռը ծեծեցին ԱԱԾ աշխատակիցները և սկսեցին մեր տունը խուզարկել։ Հետո հորս հրավիրեցին ԱԱԾ, ինքը գնաց և այլևս չեկավ երեք ամիս, որովհետև իրեն ձերբակալեցին, կալանավորեցին և մեղադրանք առաջադրեցին՝ պետական իշխանության բռնազավթման մեղադրանքով։ Իհարկե, ինքը կատարեկապես անմեղ էր, բայց ինքը երեք ամիս քաղբանտարկյալ էր։ Ես գիտեմ որն է բռնաճնշումը, իսկ բարեկրթությունը նույնպես գիտեմ որն է, որ այդքանից հետո ես կարծում եմ, որ պարտավոր եմ ձեզ հետ շփվել պարզ, մարդկային պարկեշտության և բարեկրթության սահմաններում»։