«Կաթողիկոսը կարող էր ինքը ներկայանալ, ոչ ոք դրա դեմը չէր կարող առնել». Կնյազ Հասանով

«Մենք ԱԺ կանոնակարգ սահմանադրական օրենքի կարգավորումների հիման վրա էինք կարծես առաջին նստաշրջանի անցկացումը մեկնարկում։ Համաձայն նշված կարգավորման՝ առաջին նստաշրջանի բացման առթիվ ողջույնի, ելույթի իրավունք ունեն հանրապետության նախագահը և Ամենայն Հայոց Կաթողիկոսը»,- ԱԺ նիստին հայտարարեց «Ուժեղ Հայաստան»-ի պատգամավոր Արամ Վարդևանյանը՝ դիմելով նիստը նախագահող Կնյազ հասանովին։ «Մեր խմբակցության կողմից նշված հարցը բարձրաձայնվեց։ Դուք նիստը նախագահողն եք, տարիքով ավագը, ձեր խոսքում հիշատակեցիք 6-րդ, 7-րդ, 8-րդ ԱԺ առաջին նաստաշրջանի նիստերը, որտեղ Վեհափառ Հայրապետը ներկա է եղել։ Այստեղ հարց է առաջանում՝ ինչի՞ համար Կաթողիկոսի իրավունքը չի իրացվել»,- շարունակեց Վարդևանյանը։

«Կաթողիկոսը կարող էր ինքը ներկայանալ, ոչ ոք դրա դեմը չի կարող առնել»,- ի պատասխան նշեց Հասանովը։