Մադրիդում անտառային հրդեհներ են

Իսպանիայի իշխանություններն անտառային հրդեհների պատճառով արտակարգ իրավիճակ են հայտարարել Մադրիդի ինքնավար համայնքում և Ավիլա նահանգում (Կաստիլիա և Լեոն ինքնավար համայնք)։ Հայտարարությունը տեղադրվել է թագավորության Պաշտպանության նախարարության X-ի էջում։

Կրակի տարածման պատճառով իշխանությունները տարհանել են ավելի քան 10 հազար մարդու։ Ըստ արտակարգ իրավիճակների ծառայությունների հայտարարության՝ «հրդեհները դեռևս չեն տեղայնացվել և վերահսկողության տակ չեն վերցվել»։