«Տեսել են, որ գետի մեջ մի երեխա գոռում է՝ մամա՛ ջան, օգնեցե՛ք»․ քաղաքացի

«Մարդ կա, տեսել էր, որ գետի մեջ մի երեխա գոռում է՝ մամա ջան, օգնեցեք։ Մինչև իջանք, գետի կողքերը նայեցինք՝ չկար։ Կամավորներով ամբողջ գիշեր փրկարարների հետ որոնել ենք, դեռ արդյունք չկա»,- «Նյուզ»-ի եթերում ասել է Փամբակ գետն ընկած քույրերի որոնողական աշխատանքներին մասնակցող քաղաքացիներից մեկը։ «Անհատապես իրենց չեմ ճանաչում, մորը դեմքով գիտեմ, ոնց որ փռում է աշխատում, 5 երեխա ունի»,- նշել է նա։

Հիշեցնենք, որ այսօր վաղ առավոտից վերսկսվել են որոնողափրկակարական աշխատանքները։